ಬಂದಾರು;ವಿವಿಧೆಡೆ ಗುಡ್ಡ ಕುಸಿತ:                                                                                             ಕೊಟ್ಟೆಗೆಗೆ ಹಾನಿ, ವಾಹನ ಸಂಚಾರಕ್ಕೆ ಅಡಚಣೆ

ಬೆಳ್ತಂಗಡಿ :  ಬಂದಾರು ಗ್ರಾಮಪಂಚಾಯತ್ ವ್ಯಾಪ್ತಿಯ ಬಂದಾರು ಪಾಣೆಕಲ್ಲು  ಅಂಗನವಾಡಿ  ಬಳಿಯ ಹುಕ್ರಪ್ಪ ಗೌಡ ಎಂಬವರ ಮನೆಯ ಬಳಿಯ ಗುಡ್ಡ ಕುಸಿದು ಬಿದ್ದ ಪರಿಣಾಮ ಮಣ್ಣು ರಾಶಿ ಬಿದ್ದು  ಕೊಟ್ಟೆಗೆಯ ಸಿಮೆಂಟ್ ಇಟ್ಟಿಗೆಯ  ಗೋಡೆ ಹಾನಿಗೊಂಡಿದೆ.  ಮಾಹಿತಿ ತಿಳಿದು ಗ್ರಾಮಪಂಚಾಯತ್ ಅಧ್ಯಕ್ಷ ದಿನೇಶ್ ಕಂಡಿಗ ಹಾಗೂ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು ಕಂದಾಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ಹುಕ್ರಪ್ಪ ಗೌಡ ಅವರು ಸದ್ಯ ಹಿಟಾಚಿ ಮೂಲಕ ಮಣ್ಣು ತೆರವು ಮಾಡಿಸುತ್ತಿದ್ದು ಕಂದಾಯ ಇಲಾಖೆಯಿಂದ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿ ಇಲಾಖೆಗೆ ವರದಿ ಸಲ್ಲಿಸಿದ್ದಾರೆ. ಇನ್ನೊಂದೆಡೆ ಮಳೆಯ ಪರಿಣಾಮ ಬಂದಾರು ಗ್ರಾಮಪಂಚಾಯತ್ ವ್ಯಾಪ್ತಿಯ ಬೊಳೋಡಿ ಸೇತುವೆ ಬಳಿ ಇಳಿಜಾರು ರಸ್ತೆ ಬದಿಯ ಎತ್ತರದ ಧರೆ ಬುಧವಾರ ರಾತ್ರಿ ರಸ್ತೆ ಮಧ್ಯೆ ಕುಸಿದಿದ್ದು ಗುರುವಾರ ಬೆಳಿಗ್ಗೆ ವಾಹನ ಸಂಚಾರಕ್ಕೆ. ಕೆಲ ಹೊತ್ತು ಅಡಚಣೆ ಉಂಟಾಯಿತು.ಬಳಿಕ ಸಂಬಂಧಪಟ್ಟವರಿಗೆ ಮಾಹಿತಿ ನೀಡಲಾಗಿ ಇದೀಗ  ಜೆಸಿಬಿ ಹಿಟಾಚಿಯಿಂದ ಮಣ್ಣು ತೆರವು ಕಾರ್ಯ ನಡೆಯುತ್ತಿದ್ದು ವಾಹನ ಸಂಚಾರಕ್ಕೆ ಅನುಕೂಲ ಮಾಡಿಕೊಡಲಾಯಿತು.